Gamli jaxlinn úr liði Manchester United, Roy Keane er byrjaður að sanna þjálfarahæfileika sína með enska 1.deildarliðið (Championship) Sunderland, og er kominn á topp deildarinnar með liðið. Um tíma hefur liðið verið í harðri baráttu við Derby County um fyrsta sætið, og kom Sunderland-liðinu á topp deildarinnar eftir ágætis útisigur á Southampton 1-2. Roy Keane sem var fyrirliði Manchester United áður en hann fór til Celtic árið 2005 og hætti síðan þar ári seinna er væntanlega á leiðinni með félagið í Úrvalsdeildina á næsta ári, og ef hann nær að sanna sig þar, þá þurfa aðdáendur Manchester United að geta andað léttað ef rætt er um eftirmann Sir Alex Ferguson sem gæti hætt eftir tvö tímabil sem framkvæmdastjóri Manchester United.

Agaður: Heragi ríkur nú í herbúðum Sunderland eftir að Roy Keane tók við!

Kíktu hér til að skoða stöðu 1.deildarinnar: http://www.fotbolti.net/all2007.php?land=ENG&Deild=2

Markvörður Manchester United, Hollendingurinn Edwin van der Sar segir að hann sé tæpur fyrir leikinn gegn Bolton á laugardag, og óvíst hvort hann spili. Ástæðan fyrir því eru þau furðulegu meiðsli að hann meiddist í upphitun fyrir Middlesbrough leikinn sem endaði með 2-2 jafntefli. ,,Ég fann til í kálfanum í upphitun, og ákvað því að leika ekki", segir van der Sar. ,,Það er alltaf betra að hvílast, þó svo að einungis sé um smávægileg meiðsli að ræða, svo það versni ekki. Ég held ég verði ekki með í Bolton leiknum, en við skulum samt sjá til", sagði Edwin van der Sar.

Síungur: Þó svo að Edwin van der Sar fari brátt að nálgast fertugsaldurinn, er hann ekkert á leiðinni að hætta, enda átt stórgóða tíð með Manchester United síðan hann kom frá Fulham á síðustu leiktíð!

Wayne Rooney hefur látið það í ljós að honum finnist liðsfélagi sinn, Cristiano Ronaldo vera besti leikmaður heims um þessar mundir. Rooney, sem lék meiddur á Heimsmeistaramótinu í sumar hefur átt fremur dapra leiki á þessu tímabili, meðan Cristiano Ronaldo hefur verið besti leikmaðurinn í deildinni. ,,Ég er í skýjunum yfir því að hann spili fyrir okkur, því hann er besti leikmaður heims þessa stundina, ekki bara besti ungi leikmaðurinn, heldur einungis sá besti. Ég öfunda hann ekkert yfir því, vegna þess að maður leitar eftir því að spila með bestu leikmönnunum, og það er frábært að vera í sama liði og Cristiano. Hann hefur verið frábær, sérstaklega eftir heimsmeistarakeppnina, þar sem að hann fékk mikla úrteið frá fjölmiðlum. Vonandi heldur hann áfram á sömu braut, og hjálpar okkur að vinna einhverja titla á þessu tímabili", sagði Rooney, greinilega ánægður með Ronaldo, en sumir segja að hann hafi verið ástæðan yfir því að Rooney hafi verið rekinn af velli gegn Portúgölum í 8. liða úrslitunum á HM sl. sumar.

Stolt - vonbrigði: Það hefur oftar komið upp á daginn að Rooney hafi fagnað Ronaldo, heldur en öfugt á þessu leiktímabili!

Þá er það orðið ljóst að bandaríski markvörðurinn Tim Howard hefur leikið sinn síðasta leik fyrir Manchester United. Howard sem nú er í láni hjá Everton, er kominn endanlega í herbúðir þeirra. Hann skrifaði undir fimm ára samning við liðið fyrir stuttu. Howard kom til liðsins fyrir tímabilið 2003/2004 og spilaði frábærlega, allt þangað til eftir ósigurinn gegn Porto í Meistaradeildinni, sem var á kostnað Bandaríkjamannsins. Á þeim tíma brást hann Sir Alex Ferguson og hefur lítið fengið að spila síðan þá. Kaupverðið milli Everton og Manchester United var ekki gefið upp.

Farinn á önnur mið: Tim Howard mun ekki leika framar í búningi Manchester United. Hér sjáum við hann skringilegan á svip, en hann þjáist af Tourette-heilkenninu!

 ...Fæddist Cristiano Ronaldo, besti leikmaður Manchester United í dag!

Afmæli: Cristiano Ronaldo á afmæli í dag, en drengurinn er 22. ára gamall í dag. Þar sem að Ronaldo hefur verið að gera frábæra hluti ákvað ég að koma með smá myndasyrpu af honum!

<--Ronaldo sem ungur patti. Ronaldo í leik með Sporting Lisbon. -->

 <--Fyrsti leikurinn með MU (+áritun). Fyrsti Portúgal landsleikurinn-->

C. Ronaldo hefur ávallt þótt skæður með boltann!

Stjórn Manchester United spáir að tekjur félagsins muni stóraukast á næstu tveimur árum hafandi séð hagnað félagsins vaxa um 20 milljónir punda á milli ára, í 30.8 miljónir á síðasta ári. 30.8 milljónir punda eru um 4.1 milljarðar íslenskra króna.
Í ársskýrslu félagsins kemur fram að veltan var 165.4 milljónir punda á síðasta rekstrarári, sem miðast við 30. júní 2006, samanborið við 157.2 milljónir árið á undan þegar hagnaðurinn nam 10.8 milljónum. Þetta er gleðilegt í ljósi þess að á síðasta ári komst United ekki upp úr riðlakeppni Meistaradeildarinnar og varð þ. a. l. af miklum tekjum, í fyrsta sinn í áratug.
Forstjóri félagsins, David Gill, kvað sjónvarpssamning úrvalsdeildar, risasamninginn við AIG og stækkun Old Trafford í 76 þúsund sæti vera höfuðástæðu framtíðar tekna þar sem miðasalan ein af viðbótinni tryggir 2 milljónir punda á hvern heimaleik.
Gill segir í skýrslunni, hver gerð var opinber sl. miðvikudag: ,,Í markmiðum okkar til næstu tveggja ára vænti ég að veltan muni aukast verulega, þar sem saman fer stækkun leikvangsins, stærri styrktarsamningar og auknar sjónvarpstekjur. Félagið er í sérlega góðri stöðu. Aðsókn á leiki okkar vekur öfund um alla Evrópu, ekki einungis innanlands, og með viðvarandi bið eftir miðum til að sjá United á Old Trafford erum við í góðum málum”.
,,Framtíðin félagsins er lofandi. Við munum halda áfram að fjárfesta skynsamlega og fjármálastjórnun stöðug sem fyrr. Árangur okkar á vellinum mun ávallt verða driffjöður árangurs félagsins utan hans, staða okkar þar er vænleg sem upphaf frekari tilvaxtar”.
Gill staðhæfir að United muni ekki féfletta sitt fólk þrátt fyrir eftirspurn eftir miðum:
,,Félagið hefur staðfastlega sett sér það markmið að bjóða upp á gæðaknattspyrnu og verðleggur miða sína samkvæmt því”.
Þær 12 milljónir sem Chelsea greiddi United sem skaðabætur fyrir Mikel Jon Obi hjálpaði félaginu eðlilega í viðleitni þess að bæta rekstur sinn en útlit næsta árs lítur sérlega vel út.
Samningurinn við AIG er 18 milljón punda virði per ár, sjónvarpssamningur deildarinnar tryggir um 50 milljónir, Meistaradeildin skapar um 20 og með meðaláhorfendafjölda upp á 75.776 manns eru tryggðar 2 milljónir á leik – þeir eru 19 í deildinni auk aragrúa annarra.
Fram kemur í ársskýrslunni að United greiddi í umboðslaun 1.8 milljónir punda á móti 2.6 árið áður en félagið hefur eitt fárra liða birt opinberlega þær tölur. Telur Gill miklu skipta að þessar tölur séu birtar enda hluti af knattspyrnunni.

Leikhús Draumanna: Það er afar vinsælt að fara í skoðanaleiðangur í kringum völlinn!

*Knattspyrnustjóri Southampton, George Burnley sagði að ungstirnið Gareth Bale hafi gert rétta ákvörðun um að spila áfram fyrir félagið, en Bale hafnaði tilboði Tottenham til þess að fara fremur til Manchester United, sem þó voru of seinir á leikmannamarkaðinum að þessu sinni.

*Sir Alex Ferguson segir að nú þurfi Manchester United einungis nokkur stig í viðbót til að landa Englandsmeistaratitlinum, en það gerði liðið síðast tímabilið 2002/2003.

*Spánverjinn Xavi segist hafa fengið tilboð frá Man.Utd og að United menn væru að senda inn tilboð á Xavi sem leikur með Evrópumeisturunum í Barcelona. Hann sagði að United vildi fá hann í skiptum við Cristiano Ronaldo, sem hefur verið sjóðheitur á tímabilinu(2006/2007)!

*Frank Rijkaard sagði að Cristiano Ronaldo væri frábær leikmaður þó svo að ólíklegt væri að Man.Utd myndu taka tilboði í drenginn, sem er einungis á 22. aldursári.

*Ronaldo hefur einnig verið orðaður við helstu keppinauta Barcelona, Real Madrid, sem voru nálægt því að landa leikmanninum í sumar, eftir atvikið fræga við Wayne Rooney á HM 2006.

* Líklegt þykir að Louis Saha verði mættur til leiks á sunnudaginn gegn Tottenham Hotspurs! 

Á fleygiferð: Ronaldo. Fer hann til Barcelona? Fer hann til Madrídar? ...Eða verður hann bara áfram í Manchester United? Við vonum það allavega!

...Fæddist Darren Fletcher!

Afmæli: Darren Fletcher(til vinstri) er 23.ára í dag. Hér fagnar hann með Cristiano Ronaldo, en þeir eru uppáhaldsdrengirnir hans Ferguson's. Giuseppe Rossi á einnig afmæli í dag, en hann er tvítugur!

...Fæddist Giuseppe Rossi.

Stórafmæli: Giuseppe Rossi er tvítugur í dag!

Manchester liðið bar sigurorð á Portsmouth eða "The Pompeys" eins og þeir eru kallaðir í enska FA bikarnum. Manchester United eru því komnir í næstu umferð eftir sigurinn. Það kom á óvart að Wayne Rooney byrjaði utan vallarins í leiknum, en innaskipting hans seinna í leiknum átti þó eftir að koma að góðum notum. Gamla brýnið David James var mjög öruggur í markinu hjá Portsmouth, og varði nokkrum sinnum afar vel frá þrumufleygum frá heimamönnunum í Manchester United. Ryan Giggs gaf fyrir góða sendingu á Wayne Rooney sem skoraði örugglega í autt markið. Seinna markið var einkar laglegt. Rooney fékk boltann og ákvað síðan fyrir utan teiginn að vippa boltanum yfir James, og United komnir í 2-0. Þess má geta að boltinn fór í slána og inn! Pedro Mendes tók síðar í leiknum aukaspyrnu, boltinn fór síðann í helsta markaskorara þeirra Nwankwo Kanu og inn. United menn áttu síðar í leiknum ágætis færi, en J.S. Park náði ekki að skora. Góður sigur hjá Manchester United, sem virðast vera komnir aftur á skrið eftir naumt tap gegn Arsenal í ensku Úrvalsdeildinni!

Magnaður: Rooney setti tvennu í dag!

Maður leiksins: Wayne Rooney.

Gæði leiks: 8.5

Sir Alex Ferguson segir að Chelsea hafi verið heppið síðustu tvö ár en þeir hafa einmitt unnið deildina þau ár. Chelsea-menn eru nú heilum sex stigum á eftir Manchester United, sem er á toppi deildarinnar, en Chelsea gerðu þriðja jafnteflið í röð í gær, þá gegn Aston Villa. Ferguson finnst að heppni meistaranna sl. tvö ár sé að skilja við þá á versta mögulega tíma, þar sem að helstu leikmenn Manchester eru að koma aftur eftir meiðsli, plús það að Henrik Larsson er kominn í herbúðir liðsins að láni. ,,Þeir hafa verið óútreiknanlega heppnir á tímum, hafa t.d. skorað mark á síðustu mínútu leiksins gegn bæði Wigan og Tottenham, skorað gegn okkur á annari mínútu seinni hluta síðasta tímabils. Þó þykir mér við ekki hafa verið eins heppnir. Ef við tölum um meiðsli þá höfum við átt í vandræðum með Gary Neville, Gabriel Heinze var ekki í formi, einnig sem að Ole Gunnar og J.S. Park voru meiddir. En leikmennirnir okkar hafa staðið sig afar vel, enda orðnir reyndari og geta staðið á eigin fótum", sagði Ferguson. Hann sagði einnig að agi liðsins og einbeitni hafi verið lykilatriði þess að liðið er í efsta sæti deildarinnar. Ferguson sagði að lokum: ,,Aginn hefur verið frábær, og við erum ávallt með hugann að leiknum. Auk þess höfum við ekki verið að umkringja dómarann eins og sum önnur lið í deildinni".

Einbeittur: Sir Alex Ferguson hefur verið við stjórnvölinn í meira en tuttugu ár!

*Vissir þú að: Sir Alex Ferguson var framherji hér á árum áður, en lék þó aldrei fyrir hönd Skotlands!

Louis Saha leikur tæplega með ManchesterUnited næstu tvær vikurnar eftir að hafa haltrað af leikvelli vegna tognunar í nára í leiknum gegn Newcastle í gær. Saha fer í læknisskoðun í dag og þá kemur í ljós hversu alvarleg meiðslin eru.
Næsti leikur United er í bikarkeppninni gegn Aston Villa á sunnudag og Sir Alex Ferguson gerir þá ráð fyrir að tefla þeim Ole Gunnar Solskjær og Henrik Larsson saman fram í fremstu víglínu. Solskjær var hvíldur í gær, eftir að hafa skorað í báðum jólaleikjunum. „Ég skildi Ole eftir því hann hafði spilað tvo leiki á fjórum dögum. Ég taldi betra fyrir hann að hvíla sig fyrir leikinn á sunnudag sem hann spilar ásamt Larsson.“
Ferguson segist líka hafa trú á að Guiseppe Rossi geti komið United að góðum notum seinni part leiktíðarinnar. Hann fékk fá tækifæri sem lánsmaður í liði Newcastle í haust og enskir fjölmiðlar héldu því fram að hann yrði lánaður til Sunderland nú eftir áramót. Svo verður þó ekki, ef marka má orð Ferguson.
„Ég skil ekki af hverju við ættum að láta frá okkur leikmenns sem við getum notað. Það getur ýmislegt komið upp á með vorinu. Við viljum vera undir það búnir og því er gott að fá Guiseppe aftur. Hann er virkilega góður, þess vegna leyfðum við honum að fara til Newcastle. Þó hann hafi ekki spilað marga leiki þá kemur hann samt aftur til okkar með ögn meiri reynslu.“

Fær: Louis Saha er afar fær knattspyrnumaður, sem skorar mikið af mörkum!

*Vissir þú að Louis Saha skoraði í sínum fyrsta leik fyrir Man.Utd með magnaðri aukaspyrnu!

Markvörðurinn Edwin van der Sar ákvað að skora á Cristiano Ronaldo um að skora tuttugu mörk á tímabilinu. Cristiano Ronaldo hefur nú þegar skorað tíu mörk í ensku Úrvalsdeildinni á þessu tímabilinu, og fimm mörk til viðbótar slá út veðmál hans við Sir Alex Ferguson, knattspyrnustjóra Man.Utd. ,,Ronaldo getur skorað tuttugu. Cristiano er að standa sig vel um þessar mundir. Tuttugu mörk frá honum kæmu sér vel fyrir okkur að vinna titilinn.

Fagnað: Cristiano Ronaldo hefur núna skorað 10 mörk fyrir United í deildinni þegar að rúmir fimm mánuðir eru eftir. Hann þyrfti þá að meðaltali einungis að skora eitt mark í mánuði til að sigra veðmálið við Ferguson, en tvö í mánuði til að standast áskorun markvörðsins!

Ítalska ungstirnið Giuseppe Rossi, sem er í láni hjá Newcastle United mun snúa aftur til Manchester United í janúar, eftir að hafa fengið fá tækifæri með Newcastle. Hann kom frá Parma árið 2004. Giuseppe hafði þetta að segja: ,,Ég er búinn að tala við stjórann[Ferguson] um að koma aftur á Old Trafford, og ég vona að ég fái tækifæri þar. Ferguson sagði við mig að hann vilji hafa breiðan leikmannahóp á síðustu sprettum tímabilsins, og auðvitað vil ég vera partur af því, þar sem liðið er að berjast um Meistaradeildina og titilinn á Englandi. Það er forgangsatriði fyrir mig núna", sagði Rossi.

-->

Flinkur: Giuseppe Rossi hlakkar til að koma ,,heim"!